Prej kohësh flitet se presidenti i Serbisë, Aleksandar Vuçiq, së bashku me “mjeshtrin” e RS-së, Milorad Dodik, janë një nga “lojtarët” më të fortë të presidentit rus Vladimir Putin në këtë pjesë të Evropës.
Megjithatë, ka pasur spekulime se Putini, pra struktura qeverisëse në Rusi, qëndron pas protestave aktuale kundër litiumit në Serbi.
Ivaana Stasdner, një konsulent në Fondacionin për Mbrojtjen e Demokracisë në SHBA, ka zbuluar skenarin në të cilin akterët kryesorë janë Vuciq e Putin.
“Është qesharake të dëgjosh se Rusia dëshiron të rrëzojë presidentin e Serbisë dhe se Moska qëndron pas protestave të litiumit. Kjo është pikërisht ajo që shërbimi inteligjent serb dëshiron që ju të besoni. Më kujtohet kur disa vite më parë propaganda akuzoi shtetin e thellë rus se po përpiqej të rrëzonte qeverinë”
Sipas saj, Rusia është krejtësisht e lumtur me Vuçiqin. “Sepse ai ka frikë nga Putini dhe kërcen në melodinë e Moskës dhe jep gjëra që janë strategjikisht të rëndësishme për Rusinë”.
Stradner thotë se Vuciq vet po i lejon protestat që po mbahen kundër tij rreth cështjes së litiumit, shkruan gazeta Express.“Vuçiqit i duhet kaosi i brendshëm për të mbijetuar dhe protestat janë perfekte për të, duke i dhënë atij një levë më të fortë në shantazhimin e Perëndimit. Ai forcoi grupet e ekstremit të djathtë në mënyrë që të mund t’i thoshte Perëndimit “Shiko… çdo alternativë është më e keqe se unë, kështu që nuk ke zgjidhje tjetër”.
