Ministri i Punëve të Brendshme, Xhelal Sveçla zhvilloi të hënën një takim virtual me komisionaren evropiane për Punë të Brendshme Ylva Johansson, të cilën e informoi mbi arritjet e ministrisë që ai drejton, përcjell KosovaPost.
Ministri Sveçla gjatë këtij takimi ritheksoi edhe nevojën imediate të liberalizimit të vizave për qytetarët e Kosovës, në mënyrë që të kenë të drejtën e lëvizjes së lirë në shtetet evropiane.
“Johannson përgëzoi angazhimin tonë në luftimin e krimit, korrupsionit dhe veprimtarive ilegale që cenojnë sigurinë e qytetarëve tanë dhe rikonfirmoi mbështetjen për liberalizimin e vizave për vendin tonë. U dakorduam për bashkëpunim të mëtutjeshëm në ofrimin e sigurisë dhe stabilitetit në vend dhe në rajon”, shkruan Sveçla në Facebook.
Postimi i plotë:
Kisha kënaqësinë që sot të takoj virtualisht Komisioneren Evropiane për Punë të Brendshme znj. Ylva Johansson.
E njoftova znj. Johansson për arritjet që kemi pasur si Ministri e Punëve të Brendshme dhe si Qeveri pas takimit të fundit që kisha me të në Slloveni si dhe ritheksova nevojën imediate të liberalizimit të vizave për qytetarët tanë në mënyrë që të kenë të drejtën e lëvizjes së lirë kudo në shtetet evropiane.
Znj. Johannson përgëzoj angazhimin tonë në luftimin e krimit, korrupsionit dhe të gjitha veprimtarive ilegale që cënojnë sigurinë e qytetarëve tanë dhe rikonfirmoj mbështetjen për liberalizimin e vizave për vendin tonë.
U dakorduam për bashkëpunim të mëtutjeshëm në ofrimin e sigurisë dhe stabilitetit në vend dhe në rajon.