Mefail Bajqninovci, deputet i VV-së, ka komentuar takimin në mes kryeministrit Albin Kurti dhe shefit të CIA-s, William Burns.
Bajqinovci, shprehet kritik ndaj opozitës por edhe analistëve për parashikimet e tyre lidhur me takimin e shefit të CIA-s me kryeministrin Kurti, por edhe për raportet e zbehta të tij me SHBA.
“Takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në”.
Ndërkohë ka shtuar ai se përgjigjja më e mirë ndaj spekulimeve opozitare është puna konkrete në të mirë të vendit.
Postimi i plotë i deputetit Bajqinovci në Facebook:
Mirëmëngjesi
Disa opozitar dhe analist janë lodhur duke deklaruar qysh shefi i CIA-s nuk e takon Kryeministrin Kurti duke mbjellë dyshime dhe pasiguri, por faktet flasin vetë. Takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në. Përgjigja më e mirë ndaj spekulimeve opozitare është puna konkrete dhe angazhimi i vazhdueshëm për të mirën e vendit tonë. Kosova ecën përpara, pavarësisht përpjekjeve për të na penguar.
Ramushit, Petritit e LDK-se, ju deshtuan parashikimet për takimin Kurti-Burns.
