Presidenti i zgjedhur Donald Trump paralajmëroi në një intervistë për ABC News se ai do të shqyrtojë seriozisht mundësinë e largimit të Shteteve të Bashkuara nga NATO, nëse nuk trajtohen drejtë.
Trump përsëriti qëndrimin e tij se aleatët e NATO-s duhet të paguajnë faturat e tyre, përndryshe ai do të konsiderojë nxjerrjen e Shteteve të Bashkuara nga aleanca.
Presidenti i ri i SHBA-së më pas deklaroi, në një intervistë për NBC News, se do të dëbojë të gjithë emigrantët pa dokumente.
“Kjo duhet të bëhet,” tha ai, duke këmbëngulur se dëshiron t’i japë fund shtetësisë nga lindja, e sanksionuar në Kushtetutën e SHBA, përmes një urdhri ekzekutiv.
Trump gjithashtu konfirmoi se ai po konsideron faljen e kryengritësve të 6 janarit, shkruan A2CNN. “Ata po jetojnë ferrin në burg,” tha presidenti i zgjedhur në intervistën për NBC News, duke paralajmëruar se disa anëtarë të komitetit të Dhomës që hetuan sulmin në Capitol Hill duhet të shkojnë në burg.
