Shefi i Grupit Parlamentar të Lidhjes Demokratike të Kosovës, Arben Gashi ka thënë se sa i përketë zgjedhjeve është vetëm një zgjidhje, sipas tij, dorëheqja e kryeministrit të Kosovës, Albin Kurtit.
Ai është shprehur se nëse Kurti planifikon që vendi të shkojë në zgjedhje, atëhërë koha për të kapur mundësinë e zgjedhjeve në korrik, sipas tij, është drejt momenteve të veta të fundit
“Sa i përketë zgjedhjeve është vetëm një zgjidhje, zgjidhja është, dorëheqja e kryeministri, pra kryeministri i Republikës së Kosovës nëse dëshiron që të ketë zgjidhje dhe zgjedhje, duhet ai ta ofrojë zgjidhjen”, tha Gashi, përcjell Klankosova.tv.“Pra, zgjidhja e tij duhet të jetë dorëheqja dhe shkuarja në zgjedhje dhe nëse planifikon që vendi të shkojë në zgjedhje, atëhërë koha për të kapur mundësinë e zgjedhjeve në korrik, pra në javën e parë të korrikut është drejt momenteve të veta të fundit”, tha Gashi.
