Kombëtarja e Kosovës në basketboll, sonte do të përballet me Irlandën në Pallatin e Rinisë dhe Sporteve në Prishtinë.
Dardanët dhe irlandezët do të ballafaqohen në kuadër të para-kualifikueseve për Kupën e Botës FIBA 2027
Kombëtarja jonë të enjten mbrëma ka mbajtur stërvitjen e fundit, ku është përcaktuar 12shja përfundimtare.
Për shkak të lëndimit nuk ia ka dal Lis Shoshi, derisa për shkak të lëndimit nuk janë grumbulluar Erjon Kastrati dhe Domenic Artis, kurse Jan Palokaj për shkak të dokumentacionit.
Kosova është në grup me Zvicrën, Irlandën dhe Azerbajxhanin.
Sfidën e parë Dardanët e luajnë sonte ndaj Irlandës në Prishtinë, derisa sfidën e dytë ndaj Azerbajxhanit më 25 shkurt në udhëtim.
Raundi i parë parakualifikues i Kupës së Botës të Basketbollit FIBA 2027 do të luhet në tre dritare më 19-27 shkurt 2024, 18-26 nëntor 2024 dhe 17-25 shkurt 2025, nga një ndeshje në shtëpi dhe jashtë.
Të tre fituesit e grupeve së bashku me skuadrën e renditur më të mirë në vendin e dytë do të kalojnë në raundin e dytë parakualifikues të Kupës së Botës 2027 të FIBA-s, i cili do të luhet në verën e vitit 2025.
Ndeshja Kosova-Irlanda fillon në orën 19:00.
12shja e Kosovës
Dardan Berisha
Drilon Hajrizi
Gëzim Morina
Mikaile Tmusic
Dardan Kapiti
Arian Çallakaj
Muhamedali Janjeva
Ardit Pepaj
Musab Mala
Meriton Ismaili
Jon Ismajli
Norik Binqe
Trajner: Rami Hadar
