Ministria e Kulturës dhe Turizmit ka njoftuar se me fillimin e punimeve për zbatimin e masave emergjente në Kalanë e Prizrenit, qasja për vizitorë në këtë aset do të mbyllet përkohësisht për një periudhë prej dy javësh, duke filluar nga sot, përcjell KosovaPost.
Sipas njoftimit, vendimi është marrë nga Njësia Menaxhuese e Kalasë së Prizrenit, me miratimin e Institutit Arkeologjik të Kosovës, me qëllim të krijimit të kushteve të sigurta gjatë zhvillimit të punimeve.
“Për çdo ndryshim lidhur me afatin e mbylljes dhe rihapjen e kalasë për vizitorë, publiku do të njoftohet me kohë. Faleminderit për mirëkuptimin dhe bashkëpunimin.”, thuhet mes të tjerash në njoftim.
