Rrjeti i Grave të Kosovës shpreh shqetësimin që edhe një rast i vrasjes së gruas dyshohet të jetë femicid. Pas lajmit për arrestimin e bashkëshortit të viktimës, Liridona Murselit, e vrarë më 29 nëntor në fshatin Sinidoll, afër Prishtinës, RrGK kërkon që hetimi i këtij rasti të trajtohet me urgjencë dhe qasje të drejtë për ta zbardhur këtë tragjedi, transmetin KosovaPost.
Përmes një komunikate për medie, RrGK kërkon nga institucionet që lënda të cilësohet si “Vrasje e rëndë” dhe të dënohet konform Kodit Penal të Republikës së Kosovës.
RrGK kërkon hetim të këtij rasti deri në provën e fundit, si dhe kërkon dënim maksimal ndaj të akuzuarit. Gjithashtu, RrGK do të monitorojë reagimin institucional ndaj këtij rasti dhe ndaj të gjitha rasteve të dhunës me bazë gjinore.
Tutje, RrGK fton Qendrën për Punë Sociale që të angazhohet për të siguruar mirëqenien e fëmijëve të së ndjerës.
