Kurti takon mbështetësit e tij në Prishtinë, zotohet se do të bëjë dyfishimin e kapacitetit të mbulueshmërisë së ngrohjes qendrore në kryeqytet
Lideri i Vetëvendosjes, Albin Kurti, ka vazhduar takimet me qytetarë në disa lagje në Prishtinë.
Kurti para qytetarëve ka bërë disa premtime.
“Nga Kodra e Trimave e Bregu i Diellit, lagje më lagje të Prishtinës sonë, zotohemi për: Dyfishimin e kapacitetit të mbulueshmërisë së ngrohjes qendrore në kryeqytet dhe 150 milionë euro për efiçiencë të energjisë për familjet gjithandej Kosovës që kanë nevojë për mbështetje për izolimin e shtëpive; Krijimin e valutës digjitale, të bazuar në blockchain, që do të përdoret për pagesa”.
Për më tepër, Kurti gjatë takimeve me qytetarët e kryeqytetit ka premtuar mbështetje për prindërit ë kanë fëmijë në çerdhe” Bono për prindërit që i dërgojnë fëmijët në çerdhe jopublike dhe pajisjen e klasave me tabela digjitale të mençura; Ndërtimin e Teatrit të Operës dhe Baletit, me sallë koncertale mbi 1200 ulëse, sallë teatrale me 1000 ulëse, dhe me dhomë koncertale dhe teatrale, të dyja me nga 300 ulëse”.
