Denzel Washington u nderua me Palmën e Artë në Festivalin e Filmit në Kanë 2025, gjatë premierës të filmit të tij më të fundit, “Highest 2 Lowest”, me regji nga Spike Lee. Kjo ishte hera e parë që aktori legjendar merrte pjesë në Kanë, në një karrierë 50-vjeçare që përfshin dy çmime Oscar dhe dhjetëra role ikonike.
Para shfaqjes së filmit, drejtori i festivalit Thierry Frémaux prezantoi një montazh dedikuar karrierës së Washington-it, duke përfshirë pamje nga filmat “Malcolm X”, “Mo’ Better Blues”, “Glory” dhe “Training Day”.
Filmi “Highest 2 Lowest” është një adaptim modern i filmit klasik të Akira Kurosawa-s “High and Low”, dhe vendoset në New York-un e sotëm. Washington luan rolin e një lideri muzike të përfshirë në një rrëmbim që kthehet në një dramë psikologjike dhe morale.
Momenti historik në Kanë konfirmon edhe një herë statusin e Denzel Washington-it si një ikonë e artit filmik global. rtsh
