Ambasada e Republikës së Kosovës në Abu Dhabi u bën thirrje qytetarëve, vizitorëve dhe rezidentëve kosovarë në Emiratet e Bashkuara Arabe, të cilët kanë kërkuar mundësinë e evakuimit emergjent, por janë larguar më pas me iniciativën e tyre, që të njoftojnë ambasadën për gjendjen e tyre, përcjell KosovaPost.
“Nëse jeni larguar nga territori i Emirateve të Bashkuara Arabe, ju lutemi të na informoni sa më shpejt të jetë e mundur,” thuhet në njoftimin e Ambasadës.
Njoftimi mund të bëhet përmes emailit [email protected] ose në numrin emergjent +971 54 709 2109. Ambasada thekson se ky veprim do të ndihmojë në përditësimin e listës së personave të regjistruar për evakuim dhe do lehtësojë veprimet e mëtejshme.
“Faleminderit për mirëkuptimin dhe bashkëpunimin tuaj,” përfundon njoftimi i Ambasadës. 
