Podujeva ishte nikoqire e edicionit të tretë të Festivalit Ndërkombëtar “Newborn Kosova”, i cili edhe këtë vit e nisi rrugëtimin nga qyteti ynë.
Në sheshin “Katër Dëshmorët”, ansamblet nga Bullgaria, Holanda, Kosta Rika dhe Greqia sollën një mbrëmje të pasur me folklor, muzikë dhe tradita, duke krijuar një atmosferë festive për qytetarët.
Kryetari i Komunës, Shpejtim Bulliqi, theksoi rëndësinë e festivalit në promovimin e kulturës, miqësisë dhe bashkëpunimit ndërkombëtar. Gjatë aktivitetit, FIDAF Kosova i ndau Kryetarit Bulliqi një mirënjohje për mbështetjen e vazhdueshme ndaj festivalit, ndërsa Kryetari u ndau mirënjohje ansambleve pjesëmarrëse për kontributin e tyre në pasurimin e jetës kulturore të Podujevës.
