Ambasada amerikane në Prishtinë ka bërë një përmbledhje të shkurtë të vizitës së emisarit special të SHBA-së për Ballkanin Perëndimor, Gabriel Escobar në Kosovë, shkruan Kosova Post.
Ndërsa flasim për vizitën përmenden takimet që Escobar ka zhvilluar në vendin tonë, ndër të tjera theksohet se mbështetja e SHBA-së për popullin e Kosovës është e palëkundur.
“Ambasada e SHBA-së në Prishtinë mirëpriti Zëvendësndihmës Sekretarin Gabriel Escobar për një vizitë në Kosovë këtë javë, ku u takua me liderët kosovarë, opozitën, shoqërinë civile dhe përfaqësues të mediave për t’i dhënë mbështetje çuarjes përpara të disa çështjeve urgjente. Siç theksoi Zëvendësndihmës Sekretari Escobar, përderisa kemi disa sfida në marrëdhëniet tona dypalëshe aktualisht, mbështetja jonë për popullin e Kosovës është e palëkundur”, thuhet në njoftimin e Ambasadës së SHBA-së në Prishtinë.
