Ambasadori jorezident i Republikës së Kosovës në Republikën Islamike të Pakistanit, Agon Vrenezi, sot dorëzoi letrat kredenciale Presidentit të Republikës Islamike të Pakistanit Dr. Arif Alvi, njofton Kosova Post.
Gjatë takimit me ambasadorin e Kosovës Vrenezi, Presidenti Dr. Arif Alvi tha se Pakistani dëshiron të promovojë bashkëpunim më të ngushtë me Kosovën në të gjitha fushat me interes të përbashkët. Ai shtoi se zgjerimi i marrëdhënieve ekonomike me Kosovën mbetet prioritet i rëndësishëm për Pakistanin.
Ai deklaroi se Pakistani është një treg në zhvillim dhe ofron mundësi të shumta investimi, duke shtuar se krijimi i lidhjeve ndërmjet Dhomave të Tregtisë të dy vendeve do të ishte një hap i rëndësishëm në promovimin e tregtisë dhe investimeve dypalëshe. Ai kërkoi gjithashtu nevojën për një shkëmbim të shtuar të vizitave të nivelit të lartë midis dy vendeve./KosovaPost/.