Trajneri i Real Madridit, Carlo Ancelotti, rrezikon një dënim prej katër vitesh teksa po përgatitet që të ballafaqohet me akuzat për mashtrim të thesarit spanjoll.
Gjyqi i Ancelottit siç ka raportuar Marca, do të mbahet të mërkurën e javës së ardhshme në Gjykatën Provinciale të Madridit.
Prokurorët po kërkojnë një dënim me burg prej katër vitesh dhe nëntë muajsh nëse shpallet fajtor, ka raportuar zyra e prokurorit. Dënimet me burg në Spanjë pezullohen vetëm nëse kanë një kohëzgjatje prej dy vitesh.
Akuzat ndaj Ancelottit, siç ka raportuar The Athletic, përfshijnë dy vepra ndaj Thesarit Publik të Spanjës dhe përqendrohen gjoja në dështimin për të përfshirë të drejtat e imazhit në deklaratat e tij tatimore, pavarësisht se e ka deklaruar veten si rezident tatimor në Spanjë.
Është supozuar se italiani se është “angazhuar në simulimin e të drejtave të imazhit të subjekteve që nuk kanë aktivitet real dhe kanë banuar jashtë Spanjës”, prandaj ai ka fshehur përfituesin e vërtetë të të ardhurave nga të drejtat e tij të imazhit, duke iu shmangur taksave si në Spanjë ashtu edhe jashtë saj”.
Ai është akuzuar gjithashtu për nënshkrimin e kontratave private për t’i dhënë të drejtat e tij imazhit subjekteve tjera, përpara se të modifikonte marrëveshjet për të ulur ndjeshëm çmimet.
Kjo nuk është hera e parë që dikush nga bota e futbollit është përfshirë në probleme të tilla me ligjin.
Në vitin 2018, Lionel Messi dhe babai i tij Jorge, u dënuan me 21 muaj burg me kusht për evazion fiskal./Telegrafi/
