Policia e Kosovës dy operacione të suksesshme kundër trafikimit të narkotikëve, duke arrestuar gjashtë persona dhe sekuestruar një sasi të konsiderueshme substancash narkotike.
Operacioni i parë ka ndodhur në Ferizaj, ku dy persona janë arrestuar në flagrancë pasi u gjetën me rreth 1.659.80 gram marihuanë, dy automjete, dy telefona mobilë, dhe një shumë prej 6.265 euro, shkruan KosovaPost.
Gjatë një kontrolli të mëtejshëm në Prishtinë, janë gjetur prova shtesë, duke përfshirë substanca të tjera narkotike dhe material për ndarjen e lëndëve narkotike. Ata janë ndaluar për 48 orë me urdhër të prokurorit.
Operacioni i dytë ka ndodhur në Prizren dhe Prishtinë, ku katër persona janë arrestuar për lidhje me kultivimin dhe shpërndarjen e kanabisit dhe kokainës. Gjatë operacionit, janë sekuestruar 175 bimë kanabis, 461 gram kokainë, një veturë, para të gatshme dhe telefona mobilë. Një person tjetër është ende në kërkim nga autoritetet.
Operacionet janë realizuar në bashkëpunim me Njësitë për Hetimin e Trafikimit me Narkotikë dhe autoritetet përkatëse, ndërsa hetimet vazhdojnë.
