Numri i viktimave nga tërmeti i tmerrshëm që goditi Turqinë dhe Sirinë në mëngjesin e së hënës po rritet nga ora në orë.
Një numër i madh i njerëzve ndodhen ende nën rrënoja dhe kalimin e kohës shanset që dikush të gjendet i gjallë po zvogëlohen.
Basketbollistja e Turqisë, Nilay Aydogan është në mesin e personave që janë në kërkim.
Hurriyet” raporton se ajo shkoi ta vizitojë familjen e saj në Malatya, ku u zu nga tërmeti fatkeq.
Shtëpia ku po qëndronte basketbollistja e Univeristetit Çankaya u shemb dhe basketbollistja u zhduk nën rrënoja.
“Ajo shkoi në Malatya për ta vizituar gjyshen. Sipas informatave që kemi, shtëpia ku po qëndronte Nilay u shkatërrua dhe procesi i shpëtimit po vazhdon”, thonë nga klubi.
Sipas informacioneve të fundit, më shumë se 15 mijë persona kanë vdekur nga tërmetet që goditën Turqinë dhe Sirinë.