Komisioni i Bashkimit Evropian (BE) bëri të ditur se “të gjitha dyert janë të hapura” për një ndalim të mundshëm të rrjeteve sociale për fëmijët në gjithë BE-në, duke theksuar se po shqyrtohen të gjitha opsionet, raporton Anadolu.
Thomas Regnier, zëdhënës i Komisionit të BE-së, iu përgjigj pyetjeve të gazetarëve në një konferencë të përditshme për media.
Duke u përgjigjur për mundësinë e një hapi të tillë në të gjithë BE-në, Regnier tha se po zhvillohen punë në bashkëpunim me vendet anëtare.
“Komisioni i BE-së aktualisht mban të gjitha dyert të hapura. Një panel ekspertësh po formohet për të na këshilluar. Pas kësaj do të vendoset nëse do të ndërmarrim një hap apo jo”, tha ai.
Regnier shtoi se të gjitha opsionet po shqyrtohen dhe se qasja ndaj punës po mbahet gjithëpërfshirëse. Ekspertët do të vijnë nga fusha të ndryshme dhe ende nuk ka një afat të caktuar kohor.
