Një ngjarje e paprecedentë është shënuar në Beograd, ku një zviceran është arrestuar pasi ka bërë shqiponjën me duar.
Këtë lajm e ka bërë me dije zëvendëskryeministri dhe ministri i brendshëm serb Ivica Daçiç.
Ai tha se policia në Beograd e ka arrestuar zviceranin, “i cili në cep të rrugës ‘Takovska’ dhe sheshit ‘Nikola Pashiq’ ka shfaqur simbolin e Shqipërisë së Madhe – shqiponjën dykrenare, ndërsa është në kërkim një person tjetër që e ka fotografuar”, transmeton albinfo.ch.
Ai ka thënë se edhe personi i dytë është identifikuar si G. V. (33 vjeç), shtetas zviceran ndërsa ka bërë të ditur se puna e mëtutjeshme vazhdon për këtë rast.
