Banka e Shqipërisë në raportin e analizës së ekonomisë bën të ditur se në fillim të këtij viti është regjistruar një rritje e rezervës monetare me 83.3 milionë euro.
“Në fund të muajit mars 2023, stoku i rezervës valutore ishte 5.02 miliardë euro dhe vlerësohet i mjaftueshëm për mbulimin e 6.8 muajve import mallrash dhe shërbimesh ose 333.0% të borxhit të jashtëm afatshkurtër bruto”, thuhet në deklaratë.
Ndikim në këtë zhvillim ka pasur rritja e të ardhurave prej turizmit që ka kaluar me një normë zgjerimi prej 52 për qind. Nga ana tjetër importet e mallrave kanë shënuar një rënie kjo edhe për shkak të rënies së ritmit të çmimeve në botë.
Një tjetër element pozitiv shihen dhe dërgesat nga emigrantët shqiptarë. Për herë të parë pas 18 vitesh shifra e remitancave shkoi në rreth 240 milionë euro, shumë e cila është kapërcyer në vitin 2005 kur kaloi në rreth 270 milionë euro në dërgesa.
Nga ana tjetër viti 2022 ka regjistruar një fluks të lartë të investimeve të huaja. Banka e Shqipërisë thekson se edhe në këtë sektor ka një qëndrueshmëri në investime edhe pse jo në ritmin e vitit të shkuar
Duket se me këto argument edhe një herë është theksuar se rënia e euros dhe e monedhave të tjera nuk ka prekur rritjen ekonomike të vendit.
