Peshëngritësja e talentuar shqiptare Enkileda Carja ka shkëlqyer në Kampionatin Evropian Under 17 që po zhvillohet në Madrid.
Me një paraqitje mbresëlënëse, Carja ka fituar 3 medalje ari dhe ka vendosur 5 rekorde evropiane për këtë grupmoshë.
Carja ngriti 91 kg në stilin e shkëputjes, duke zënë vendin e parë në garë dhe duke vendosur rekord europian. Peshëngritësja shqiptare kaloi me sukses provën e dytë me 93 kg, duke konsoliduar vendin e parë.
Në stilin e shtytjes, Cara ngriti 109 kg në provën e parë, duke thyer një tjetër rekord evropian. Madje e përmirësoi atë, duke ngritur 111 kg në provën e dytë, duke siguruar kështu një tjetër medalje ari.
Me 204 kg në total, Carja fitoi medalje ari edhe në dygarësh, duke vulosur një sukses historik./rtsh
