Deputeti nga radhët e Grupit Parlamentar të Lëvizjes Vetëvendosje, Haxhi Avdyli, kritikon mediat serbe për dhënien e mundësisë liderit të Partisë Radikale Serbe, Vojislav Sheshel. Ky i fundit, ka qenë i dënuar nga Gjykata e Hagës për krime lufte.
Avdyli ka thënë se në televizionet e Serbisë, është ende zhargoni i viteve të 90-ta.
“Në TV Serbe zhargoni i njëjtë si viteve 90ta. Shesheli i njëjti protagonist thotë që shqiptarët kërkojnë pavarësi të plotë, e ne kontroll të Kosovës dhe si kompromis iu japim një autonomi. Por për këtë duhet të ndërrohet pushteti atje, dhe duhet të vijnë tjerë politikanë që janë të gatshëm për këtë kompromis. Ata që kuptojnë Serbishten, vlerëson vetë ku ka mbërri shizofrenia Serbe, dhe ku mbajnë shpresat akoma këta të mjerë”, shprehet deputeti Avdyli.
