Këshilltari i lartë i Departamentit Amerikan të Shtetit, Derek Chollet ka takuar të dërguarin e Bashkimit Evropian për dialogun Kosovë-Serbi, Miroslav Lajçak.
Chollet në një postim në Twitter shkruan se kishte një takim të mirë me të dërguarin e BE-së për siç tha angazhimin e përbashkët për shtensionimin e situatës në Kosovë dhe Serbi.
“Takimi i mirë me Përfaqësuesin Special të BE-së, Miroslav Lajçak për angazhimin e përbashkët për deskalimin e situatës në Kosovë dhe Serbi dhe mbështetjen e rrugës së Ballkanit Perëndimor drejt integrimit në BE”, shkruan Chollet.
Ndryshe, sot shefi i Politikës së Jashtme të Bashkimit Evropian, Josep Borrell ka bërë të ditur se i ka ftuar në takim urgjent në Bruksel, kryeministrin e Kosovës, Albin Kurti dhe presidentin e Serbisë, Aleksandar Vuçiq.
