Nga Faton Gashi
Nëse përfytyroni Evropën si një spital të madhe për të sëmurët mendorë, alla filmi
“One Flew Over the Cuckoo’s Nest”, ku janë të akomoduar pacientët, të cilët kryesisht janë të ndarë në grupe – në ata akutë, që mund të kurohen disi dhe kronikë, për të cilët pak a shumë nuk ka ndihmë, por edhe dhunues dhe kriminel recediv.
Atëherë, patjetër se komisioneret e komisionit Evropjan sipas rolit që kanë në Bashkimin Evropjan, do duhet të ishin stafi mjekësor i këtij spitali.
Në këtë rast, fati i personazhit Randle McMurphy i shkon për shtati më së miri Kosovës.
Për t’jua kujtuar filmin, – Randle McMurphy ishte një i dënuar me burgim për një kundërvajtje, që vendos ta vuante dënimin e lehtë në një spital në vend të burgut.
Ajo që fillimisht është një lojë për McMurphy do të kthehet në një luftë serioze për të drejtat dhe liritë shpirtërore, për shkak të së cilës në fund ai vetë, i torturuar nga terapia e dhunshme dhe i detyruar me elektroshok, do të kthehet në një njeri që ka humbur jo vetëm beteja me sistemin represiv, por dhe, në kuptimin e mirëfilltë të fjalës, humbet beteja e mendjes së shëndoshë kundrejt çmendis së sistemit të kontrolluar…
Më kujtohet buzëqeshja mendjemprehtë e rebelit, McMurphy, kur merr vesh se aty në çmendi shumica e pacientëve janë vullnetarisht….
Në fakt, çmenduri e llojit të vet është kur diagnoza e një dhunuesi recidiv i përshkruhet viktimës së tij, dhe gjithë kjo paraqitet si normale…..
