Kreu i Partisë Demokratike, Sali Berisha, zhvilloi këtë të diel një takim me shqiptarët që jetojnë në Greqi.
Nga stadiumi “Paqe dhe Mirësi” i Athinës, kryedemokrati vlerësoi rolin e shqiptarëve, që sipas tij, u shndërruan në një faktor të rëndësishëm të zhvillimit ekonomik në Greqi.
Para bashkatdhetarëve, Berisha premtoi se, nëse fiton zgjedhjet, do të rikthejë marrëveshjen për ndarjen e detit me Greqinë, marrëveshje që u rrëzua nga Gjykata Kushtetuese e Shqipërisë në vitin 2010, pasi u konsiderua si e papajtueshme me Kushtetutën.
PD po në këtë frymë, rikthyer në pushtet firmosi me autoritetet e këtij vendi, marrëveshjen e detit. Këtë marrëveshje e përmbysi Edi Rama. Ju garantoj ju se ajo marrëveshje me PD-në në pushtet do të finalizohet dhe marrëdhëniet mes Greqisë dhe Shqipërisë do të jenë shumë të mira.
Pjesë e mesazhit të tij para shqiptarëve të Greqisë ishte edhe kryeministri Edi Rama, për të cilin Berisha tha se largoi 45% të popullsisë.
Atë që i ka bërë Edi Rama Shqipërisë në memorien time, në leximet e mia, nuk ja ka bërë asnjë pushtues gjer sot. Në 10 vite ka larguar nga Shqipëria 45%. Shkretim të tillë nuk ka luftë, nuk ka fatkeqësi natyrore, ti ketë bërë një vendi sa i bëri narkoshteti i Edi Ramës, Shqipërisë.
Berisha e mbylli mesazhin e tij në Athinë me një thirrje për të gjithë shqiptarët atje, që të votojnë Partinë Demokratike në zgjedhjet e “11 Majit”.
