Parlamenti i Lituanisë e ka cilësuar Wagner, kompaninë ruse të sigurisë që operon në Ukrainë, si organizatë ter.roriste, transmeton KosovaPost.
Në vendim thuhej se Wagner “ka marrë pjesë aktive në veprimet ushtarake përkrah agresorit (Rusisë)”, duke pretenduar se kishtin kryer veprime që mund të konsideroheshin “ekuivalente me terrorizmin” në Ukrainë.
Në rezolutë, termi “Instrumenti i fuqisë në hije të Rusisë” u përdor për kompaninë private ushtarake Wagner, e cila u themelua nga biznesmeni Yevgeniy Prigojin, i cili njihet për afërsinë e tij me presidentin rus Vladimir Putin dhe u përfshi në listën e sanksioneve nga BE dhe SHBA.
Gjithashtu, në vendim thuhej se grupi i cilësuar si “organizatë terroriste” vepron edhe në vende si Republika e Afrikës Qendrore, Sudani dhe Mali dhe përkufizohej si “organizatë kriminale transnacionale” nga Departamenti i Thesarit i SHBA-së.
Vende të tjera u thirrën gjithashtu për të njohur Wagnerin si një “organizatë terroriste”.
Në përgjigje të vendimit, Prigojin, themeluesi i Wagner, u përgjigj përmes Telegramit, “Lituania është një mikroshtet dhe pikëpamjet e parlamentarëve lituanez vështirë se mund të prekin edhe banorët e vendeve fqinje Letonia dhe Estonia”. të përbashkëta./KosovaPost/.