Fadil Nura ka dhënë dorëheqje nga pozita e deputetit në Kuvendin e Kosovës.
Dorëheqjen e ka bërë të ditur vetë Nura, përmes një shkrimi në Facebook.
“Ju njoftoj se kam dhënë dorëheqje nga pozita e deputetit në Parlamentin e Republikës, ku me përgjegjësi jam angazhuar për të mbrojtur përveç tjerash edhe interesat e komunës sonë”, shkruan Nura.
Për më tepër Nura ka shkruar se tash e tutje do ta ketë nderin të shërbej tani si kryetar i Komunës së Skenderajt.
“Nderin e njëjtë do ta kem edhe tani t’ju shërbej, vetëm se me përgjegjësinë e kryetarit të Komunës, për çka mëzi pres të nisim angazhimet për punë të mëdha që na presin”, shkruan ai.
Kujtojmë se Fadil Nura nga PDK-ja ka fituar garën pa balotazh në komunën e Skenderajt më 17 tetor.Ai siguroi 57.99 për qind të votave, përballë Bekim Jasharit me 40.64 për qind.