Këshilltari i Kryeministrit Albin Kurti, Hysamedin Feraj, i ka reaguar kreut të Aleancës për Ardhmërinë e Kosovës, Ramush Haradinajt, i cili tha të martën se kushdo që rrezikon ushtarët amerikanë në Kosovë, do të trajtohet si armik i Kosovës, pavarësisht shtetësisë e pozitës.
Deklarata e Haradinajt erdhi pasi Ambasadori i ShBA-së në Kosovë, Jeffrey Hovenier, tha se hapja e Urës së Ibrit në këtë kohë mund të rrezikojë ushatarët amerikanë.
E Feraj ka thënë se Hovenier e di se ushtarët amerikanë nuk rrezikohen nga shqiptarët, dhe se “me siguri Ramushi ka kërcënu serbët e tipit Radojçiq, me shtetësi të Kosovës, dhe mbase indirekt presidentin e Serbisë si urdhërdhënës të dhunës”.
“A nuk tregove këtë trimëri, këtë mençuri, e këtë koherencë mendimi dhe qëndrimi edhe në Zhleb e Çakorr, ashtu si tani për urën?”, shprehet këshilltari Feraj.
