Presidenti i FIFA-s, Gianni Infantino deklaroi se ishte bërë e qartë se propozimi kishte krijuar përçarje të mëdha brenda organizatës dhe nuk i shërbente më objektivit fillestar për zhvillimin e futbollit.
Për këtë arsye, ai njoftoi se plani nuk do të vazhdojë më.
“Si rezultat, ky propozim nuk do të vazhdojë”, tha ai.
Gianni Infantino ka hequr dorë nga plani i diskutueshëm për të lejuar investitorë privatë të blinin pjesë në kompeticionet kryesore të FIFA-s, përfshirë Kampionatin Botëror për meshkuj dhe atë për femra, pasi projekti hasi në kundërshtim të fortë nga konfederatat dhe federatat e futbollit në mbarë botën.
Sipas projektit, FIFA synonte të krijonte një kompani të re tregtare, e cila do të administronte të drejtat komerciale të turneve më të rëndësishëm të saj. Investitorët privatë do të kishin mundësinë të blinin aksione të vogla në këtë kompani, ndërsa FIFA premtonte se të ardhurat e reja do të shpërndaheshin te 211 federatat anëtare. Infantino kishte premtuar deri në 40 milionë dollarë për secilën federatë që do të mbështeste planin, duke argumentuar se kjo do të rriste ndjeshëm fondet për zhvillimin e futbollit në vendet që kanë më shumë nevojë për mbështetje financiare
