Drejtori i Emergjencave të Kosovës, Lulzim Fushtica ka treguar se si arsye e paralajmërimeve për stuhi e vërshime, njëjtë si mbrëmë, shtabi i krizave është krijuar dhe është në pritje për çdo moment nevoje.
Po ashtu, Fushtica ka bërë të ditur në Info Magazine se kanë filluar të evitohen problemet që u krijuan mbrëmë, si dhe pastrimi i pusetave.
“Ekipet e Drejtorisë për Siguri dhe Emergjenca e kemi krijuar shtabin e krizës, jemi këtu të gjithë zjarrfikësit, policia, ndërmarrjet publike, kompanitë e kontraktuara jemi qendrën operative të kryeqytetit duke pritur dhe shikuar të mos kemi probleme që kemi pasur ditën e djeshme”, u shpreh Fushtica, njofton Klankosova.tv.
“Është paralajmëruar edhe nga Instituti që do të ketë reshje të shiut të intensitetit të njëjtë apo të ngjashëm, për atë arsye ne e kemi ngritur shtabin e krizave nga ora 7:00 në magjes kemi dalë në të gjitha pikat ku kemi pasur mbrëmë probleme, i kemi evituar, kemi filluar të bëjmë pastrimin e pusetave edhe në ato vende ku nuk është përgjegjësi e jona”.
