Është gjetur 23-vjeçari Agon Hyseni, nga Komuna e Shtimes i raportuar i zhdukur më 2 qershore rreth orës 22:30.
Lajmi është bëri i ditur nga Policia e Kosovës, të cilët kanë bërë më dije se ai është gjetur nga Shoqatën e Kosovës për Kërkim dhe Shpëtim në rajonin e Shtimes rreth orës 14:50, kërkimet për të cilin kishin filluar që nga marrja e informaconit.
Policia ka bërë të ditur se ai është në gjendje të mirë shëndetësore.
“Që nga dita e raportimit, ekipet e policisë në bashkëpunim të ngushtë me familjarët e tij, banorë të zonës, Shoqatën e Kosovës për Kërkim dhe Shpëtim ishin në kërkim të personit të zhdukur. Ndërsa, sot rreth orës 14:50, i njëjti është gjetur nga Shoqata e Kosovës për Kërkim dhe Shpëtim në rajonin Shtimes, e më pas nga policia fillimisht është dërguar në Qendrën e Mjekësisë Familjare në Shtime, e më pas është dërguar në Qendrën Emergjente në Ferizaj dhe sipas mjekësve gjendja e tij shëndetësore është e mirë”, thuhet në komunikatë.
Policia e Kosovës gjatë ditës kishte publikuar fotografinë dhe të dhënat e të zhdukurit ku kishte kërkuar bashkëpunim nga qytetarët për gjetjen e tij.
“Drejtoria Rajonale Policisë në Ferizaj i falënderon qytetarët për angazhimin, ekipet e policisë nga stacioni i Shtimes, Sektorin Rajonal të Hetimeve, Njësinë e Reagimit të Shpejtë, e në veçanti Shoqatën e Kosovës për Kërkim dhe Shpëtim, të cilët gjetën personin e zhdukur”, thuhet nga PK.
