Instituti Kombëtar i Shëndetësisë Publike të Kosovës, bën të ditur se gjatë 24 orëve janë testuar 6.784 qytetarë ku pozitiv me Covid-19 kanë rezultuar 1.009, ndërsa janë shënuar 2 raste të vdekjes.
Siç thuhet në njoftim në 24 orët e fundit janë dhënë 17.986 doza të vaksinës kundër COVID-19.
“Prej fillimit të vaksinimit në të gjitha qytetet e Kosovës janë dhënë 539.752 doza të vaksinës. Deri më sot 183.240 qytetarë janë vaksinuar me dozën e dytë. Sot janë shëruar 82 qytetarë, derisa numri i përgjithshëm i të shëruarve është 105.963. Në total numri i rasteve aktive është 4.414”, thuhet në njoftim.