Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 19 gusht, shkruan Kosova Post.
19 gusht 1915 – Poeti i famshëm turk, Tevfik Fikret, mbylli sytë një herë e përgjithmonë në moshën 48-vjeçare, në shtëpinë e tij “Aşiyan” në Rumelihisar të Stambollit. Plot 30 vite më vonë, në të njëjtën ditë, shtëpia e tij “Aşiyan” hapi dyert për publikun si muze.
19 gusht 1946 – Në Kinë filloi lufta civile mes nacionalistëve të komanduar nga Çan Kai-Sheku dhe komunistëve të udhëhequr nga Mao Ce Duni. Kjo luftë vazhdoi deri në vitin 1949 dhe u fitua nga komunistët, të cilët arritën të marrin kryeqytetin Pekin të vendit.
19 gusht 1953 – Kryeministri i Iranit, Mohammad Mosaddegh, i cili kishte ardhur në pushtet me votim popullor, u rrëzua me një grusht shteti të oficerëve mbështetës të Shahut, të cilët ishin organizuar nga Shtetet e Bashkuara të Amerikës dhe Mbretëria e Bashkuar.
19 gusht 1991 – Gjeneralët simpatizantë të komunizmit tentuan të bëjnë një puç ushtarak në Bashkimin Sovjetik. Fillimisht u njoftua shkarkimi i Kryetarit të Shtetit, Mihail Gorbaçov, por dy ditë më vonë Gorbaçovi shpalli rikthimin e tij në detyrë.
