“Evropa nuk duhet të mbyllë sytë ndaj tensioneve midis Kinës dhe Tajvanit, sepse një përshkallëzim ushtarak në rajon do të ishte një “skenari më i keq” për ekonominë globale”.
Kështu u shpreh këtë të enjte, ministrja e Jashtme e Gjermanisë, Annalena Baerbock, shkruan Reuters.
“Gjermania dhe Bashkimi Evropian janë ekonomikisht të cenueshëm, që do të thotë se ne nuk mund të jemi indiferentë ndaj tensioneve në ngushticën e Tajvanit,” theksoi Baerbock gjatë një ndalese në portin kinez të Tianjin. Tianjin ishte ndalesa e parë e Baerbock në udhëtimin që po zhvillon në Kinë.
Baerbock do të takohet me homologun e saj, Qin Gang dhe kryediplomatin kinez, Wang Yi gjatë udhëtimit të saj dy-ditor.
