Një rast grabitjeje është raportuar të mërkurën në zonën e rrethrrotullimit pranë qendrës tregtare “Prishtina Mall”, në Prishtinë.
Sipas raportit të Policisë së Kosovës, një punëtor i një firme ka njoftuar se derisa po drejtonte automjetin e kompanisë është goditur nga prapa nga një veturë tjetër dhe është ndaluar në vendngjarje.
Pas përplasjes, nga vetura tjetër kanë dalë dy persona të dyshuar, të cilët kanë përdorur sprej ndaj viktimës dhe më pas i kanë marrë një çantë me para të gatshme, para se të largoheshin në drejtim të panjohur.
Policia ka bërë të ditur se rasti po hetohet nga njësitet kompetente, ndërsa po punohet për identifikimin dhe kapjen e të dyshuarve.
“Ankuesi mashkull kosovar punëtor në një firmë ka raportuar se deri sa ishte duke e drejtuar automjetin e firmës e kishte goditur nga mbrapa një veturë. Pas goditjes kishin dal nga vetura dy persona të dyshuar të cilët kishin përdor sprej ndaj tij dhe kishin arrit që të marrin çantën në të cilën ndodheshin para të gatshme në vlerë të konsiderueshme dhe kishin ikur në drejtim të panjohur”, thuhet në raportin e PK-së
