Bahrie Gashi është një 45-vjeçare nga Prishtina e cila përkujdeset për 15 fëmijët e saj. Përveç kushteve të rënda financiare, ajo tregon edhe për vështirësitë që ka me disa nga fëmijët e sëmurë.
Bahrie Gashi, kujdeset për 15 fëmijët e saj.
45-vjeçarja nga Prishtina, jeton me tetë vajza e shtatë djemtë së bashku me bashkëshortin.
Të ardhura mujore ata kanë rreth 250 euro, për të cilat thonë se nuk iu mjaftojnë.
Andaj kujdesi nuk është i lehtë dhe shpeshherë është sfidues.
“Është sfiduese sepse jetojmë vetëm me një pagë mujore dhe punon vetëm burri tani për tani dhe paga është shumë e ulët për fëmijët që i kemi dhe kushtet tani në Kosovë, po mundohemi me ja dal diqysh na ndihmojnë edhe popullata ngapak dhe nuk po na lojn me hek keq…”, thotë Gashi.
Për pesë nga fëmijët e saj, ajo merr vetëm nga dhjetë euro në muaj.
“Vetëm shtesat nga dhjetë euro mi ka rrok vetëm 5 nga fëmijët dhe vetëm 50 euro në muaj nga shteti asgjë më shumë…nuk marrë diqka sepse punon burri qarkullon paga në bankë për atë nuk na takon… “, thotë Gashi
Më vështirë Bahries ia bënë edhe sëmundja e disa prej fëmijve të saj.
“Është pak e rand me thënë po e kam një me autizëm dhe njërin me sindromë, tek ky me autizëm vështirë po ia dal i ka kërkesat e veta dhe periudhën e vet kur është më agressive…”, ka thënë ajo.
Ndërkohë shtëpia në të cilën jetojnë, donatorët ua ndërtuan rreth katër vjet më parë.
Megjithatë shtëpia tashmë ka filluar të dëmtohet.
