Kryetari i Komunës së Prishtinës, Përparim Rama, bën të ditur se është hapur konkursin për krijimin e sheshit monumental të komandantit legjendar, Adem Jashari, përcjell Kosova Post.
Shefi i kryeqytetit theksoi se sheshi monumental pjesë thelbësore do ta ketë monumentin e qëndresës, guximit dhe lavdisë së heroit të kombit dhe familjes Jashari, si një prej themeleve më të rëndësishme të lirisë së vendit.
Postimi i plotë i kryetarit të Prishtinës:
Komandant, Prishtina të pret!
Kemi hapur konkursin për krijimin e sheshit monumental të komandantit legjendar, Adem Jashari, që do ta ketë pjesë thelbësore monumentin e qëndresës, guximit dhe lavdisë së heroit të kombit dhe familjes Jashari, si një prej themeleve më të rëndësishme të lirisë së vendit.
Për më tepër Rama është shprehur se sheshi do të shërbejë jo vetëm si një simbol i sakrificës së tyre të madhe, por edhe si një vend ku brezat e sotëm dhe të ardhshëm mund të mësojnë një prej kapitujve më të rëndësishëm në historinë e kombit tonë.
