Ushtruesja e detyrës së Presidentes së Kosovës, Albulena Haxhiu në ceremoninë solemne për shënimin e 27-vjetorit të Policisë së Kosovës, Haxhiu ka kujtuar edhe themelimin e këtij institucioni dhe rrugëtimin e tij nga 176 kadetët e parë deri te mbi 9 mijë zyrtarë policorë.
“Çlirimi i vendit nuk ishte fundi i rrugës, por fillimi i ndërtimit të një policie të fortë të Kosovës, që do të mbronte qytetarët dhe do të garantonte sundimin e ligjit”, ka thënë Haxhiu.
Ajo ka përmendur 6 shtatorin e vitit 1999, kur në Vushtrri nisi trajnimi i gjeneratës së parë të kadetëve të Policisë së Kosovës.
“Më 6 shtator 1999, në Vushtrri, 176 kadetë nisën trajnimin për një institucion që do ta vendoste sundimin e ligjit në radhë të parë”, ka deklaruar Haxhiu.
Sipas saj, historia e Policisë së Kosovës është e lidhur ngushtë me historinë e vendit.
“Historia e Policisë së Kosovës është e pandashme nga historia e vendit”, ka thënë ajo.
Haxhiu ka theksuar rritjen e Policisë së Kosovës ndër vite, duke thënë se nga 176 kadetët e parë, institucioni tashmë numëron mbi 9 mijë zyrtarë policorë.
“Gjatë këtyre viteve, Policia ka ndërtuar kapacitetet e saj, por mbi të gjitha ka fituar besimin e qytetarëve”, ka deklaruar Haxhiu.
