Milan pësoi humbje minimale ndaj Juventus në “San Siro” mbrëmjen e së dielës.
Kuqezinjtë luajtën pjesën më të madhe të sfidës me 10 lojtarë, pasi Thiaw u ndëshkua me të kuq në minutën e 40’. Pas përfundimit të ndeshjes, Stefano Pioli, trajneri i Milanit, foli duke thënë se edhe pse ishin me 10 lojtarë, luajtën më mirë.
“Nuk i thashë asgjë skuadrës. Nuk mendoj se është koha e duhur për të folur pas ndeshjes. Ka shumë tension dhe zhgënjim. Nuk është rezultati që ne prisnim. Bëmë një ndeshje të mirë, por mund të ishim më të kujdesshëm. As me 10 lojtarë nuk ishin inferiorë.
Është e trishtueshme të humbasësh një ndeshje si kjo. Kam bërë zgjedhjen që të kem inferioritetin numerik përpara me të njëjtën strukturë mbrojtëse. Mendova të largoja një sulmues me shpresën për të sjellë mesfushorë.
Ne filluam mirë në pjesën e dytë, por më pas pati mungesë intensiteti, veçanërisht në gjysmën tonë të fushës. Nuk i dhamë Juventusit ndonjë mundësi të madhe. Me pak më shumë vëmendje mund të kishim arritur rezultatin.
Ne mund të ishim mbrojtur ndryshe në atë situatë edhe për shkak të cilësisë së Çaut. Gatti bëri shumë faulle. Ekziston rregullorja që thotë se nëse merrni kartona të verdhë të përsëritur, atëherë paralajmërimi aktivizohet.
Ne duhej të mbushnim pak më shumë zonën në pjesën e parë për të pasur më shumë zgjidhje dhe prezencë. Mendoj se Jovic hyri mirë. Ai e mbajti topin dhe po përmirëson gjendjen e tij. Edhe Okafor ia doli mirë në ato situata. Ai ka cilësi të ndryshme se Jovic, është një lojtar më i thellë”, tha Pioli.
