Instituti Kombëtar i Shëndetësisë Publike (IKSHPK) ka njoftuar se këto ditë qytetarët e Kosovës e veçanërisht Prishtina po përballen me nivele të larta të ndotjes së ajritm.
Sipas një njoftimi publik, IKSHPK aktualisht 9 nga 19 njerëz thithin ajër që i tejkalon kufijtë e ndotjes së ajrit të përcaktuara nga OBSH.
“ℹ️Këto ditë Kosova dhe veçmas qyteti i Prishtinës po përballet me nivele të larta të ndotjes së ajrit.
ℹ️Të dhënat e OBSh-së tregojnë se ndotja e ajrit vret rreth shtatë milionë njerëz në mbarë botën çdo vit.
ℹ️9 nga 19 njerëz thithin ajër që tejkalon kufijtë e udhëzuesit të OBSH-së lidhur me nivelet e larta të ndotësve.
ℹ️Ndotja e ajrit konsiderohet një rrezik për shëndetin e njeriut.
ℹ️Efektet shëndetësore afatshkurtra të ndotjes së ajrit në shëndet: sëmundjet, shtrimet në spital, komplikimet shëndetësore dhe vdekjet.
ℹ️Efektet shëndetësore afatgjata: sëmundshmëria, kanceri i mushkërive, sëmundjet kardiovaskulare dhe pulmonare”, thuhet në njoftimin e IKSHPK-së.
Ky institucion po ashtu ka bërë thirrje që qytetarët t’i respektojnë rekomandimet e Institutit për mbrojtje nga ajri i ndotur.
“ℹ️Shkaqet kryesore të vdekjeve dhe sëmundjeve që lidhen me ndotjen e ajrit janë: sëmundjet ishemike të zemrës, goditja në tru, sëmundjet e frymëmarrjes, sëmundjet pulmonare obstruktive kronike, bronhiti, emfizema, irritimi i syve dhe sistemit të frymëmarrjes, veçanërisht sulmet e astmës dhe kanceri i mushkërive.
Ditët e ftohta dhe rëniet e temperaturave mund ta vështirësojnë edhe më shumë situatën si pasojë e ngrohjes me lëndë të ndryshme djegëse të dëmshme dhe jo-kualitative që po përdorin qytetarët, trafiku dhe industria. Prandaj, ndiqni rekomandimet e IKSHPK-së për reduktimin e rrezikut”, thuhet në komunikatën e IKSHPK-së.
