Medikamentet kundër ankthit, të njohura ndryshe si anksiolitikë, janë shpesh zgjedhja e parë për trajtimin e çrregullimeve ankthioze.
Megjithatë, studimet e fundit shkencore po ngrejnë alarmin për rreziqet e mundshme që ato mund të sjellin në shëndetin fizik dhe mendor, sidomos kur përdoren për periudha të gjata.
Po ashtu, hulumtimet e Universitetit të Washington-it tregojnë se përdorimi i zgjatur i këtyre medikamenteve mund të ndikojë negativisht në funksionin e trurit dhe të sistemit nervor qendror, duke rritur rrezikun për zhvillimin e sëmundjeve neurodegjenerative, përfshirë alzheimer-in.
Ndikimet nuk ndalen vetëm në tru. Studime të publikuara nga “Mayo Clinic” kanë zbuluar se anksiolitikët mund të shkaktojnë varësi fizike dhe psikologjike, me simptoma të forta tërheqjeje nëse ndërpriten papritur.
Këto simptoma përfshijnë shqetësime të mëdha emocionale, pagjumësi, dridhje dhe rrahje të shpejta të zemrës.Një tjetër rrezik i rëndësishëm është ndikimi në sistemin respirator dhe kardio-vaskular. Disa pacientë, veçanërisht ata me probleme shëndetësore ekzistuese, mund të përjetojnë “shtypje të frymëmarrjes” apo ulje të tensionit të gjakut, sidomos kur medikamentet kombinohen me alkool apo substanca të tjera qetësuese.
Mjekët dhe studiuesit theksojnë se edhe pse medikamentet kundër ankthit mund të jenë të dobishme në situata akute, ato nuk duhet të përfaqësojnë një zgjidhje afatgjatë.
Terapitë alternative si psikoterapia, meditimi, aktiviteti fizik dhe trajtimet natyrore janë të rekomanduara si metoda më të sigurta dhe pa efekte anësore të rënda.
Ekspertët nënvizojnë rëndësinë e monitorimit të rreptë mjekësor dhe përdorimit me kujdes të recetave mjekësore, për të shmangur dëmtimet e padukshme, por të rrezikshme, që këto medikamente mund të shkaktojnë në organizëm
