Presidenti i rrëzuar i Venezuelës, Nicolas Maduro, tha të hënën se nuk ishte fajtor për akuzat për narkoterrorizëm, pasi arrestimi i tij tronditi politikën ndërkombëtare dhe detyroi zyrtarët në Karakas të reagojnë ndaj një operacioni ushtarak amerikan.
Maduro u deklarua i pafajshëm në gjykatën federale në Nju Jork për katër akuza, duke përfshirë narkoterrorizëm, komplot për importimin e kokainës dhe posedim të mitralozëve dhe pajisjeve shkatërruese, transmeton Klankosova.tv
Fundi i seancës dëgjimore u shënua nga një grindje verbale me një burrë në sallë. Ndërsa Maduro u ngrit për të dalë nga salla e gjyqit, 33-vjeçari Pedro Rojas iu drejtua atij në spanjisht nga galeria.
“Je një president i paligjshëm. Do të paguash në emër të Venezuelës”, bërtiti Rojas. Rojas më vonë u tha gazetarëve jashtë sallës së gjyqit se kishte qenë i burgosur i regjimit të Maduros në Venezuelë.
Maduro u përgjigj: “Në emër të Zotit, do të jem i lirë. Unë jam presidenti i rrëmbyer. Unë jam një rob lufte”.
