Mungesa e vitaminës D mund të jetë e lidhur me një rrezik të shtuar për sëmundjet e zemrës dhe hipertensionin, ose presionin e lartë të gjakut. Megjithatë, ende është herët për të konfirmuar nëse mungesa e kësaj vitamine është shkaktari kryesor i presionit të lartë të gjakut, ose nëse suplementet e vitaminës D mund të ndihmojnë në trajtimin e këtij problemi. Disa studime janë ende duke u kryer për të kuptuar më mirë këtë lidhje.
Një fakt që është i sigurt është se vitamina D luan një rol të rëndësishëm për shëndetin e njeriut. Sipas mjekëve, individët nga mosha 19 deri në 70 vjeç duhet të konsumojnë rreth 15 mikrogramë vitaminë D çdo ditë, ndërsa ata mbi 70 vjeç duhet ta rrisin këtë sasi në 20 mikrogramë në ditë.
Nëse keni shqetësime në lidhje me marrjen e mjaftueshme ose të tepërt të vitaminës D, është e këshillueshme të kontaktoni mjekun tuaj. Ai mund t’iu rekomandojë një test për të kontrolluar nivelin e vitaminës D në gjak. Pavarësisht kësaj, kontrolli është veçanërisht i rëndësishëm për ata që kanë lëkurë të errët, pasi njerëzit me më shumë melaninë kanë vështirësi më të mëdha në prodhimin e vitaminës D nga rrezet e diellit.
