Kadetët e Qendrës për Studime Universitare kaluan me sukses vlerësimin praktik “Qielli i Shqiponjave 2025”, ku u vlerësuan në operacione të ndryshme taktike.
Kadetët e vitit të katërt, me gjithë përvojën e fituar gjatë katër viteve në Qendrën për Studime Universitare, treguan se janë të gatshëm për të shërbyer si oficerë të rinj në Forcën e Sigurisë së Kosovës.
Realizimin e ushtrimit nga afër e kanë parë, drejtori i NALT-it gjeneral brigade Sven Lange dhe komandanti e KDS-së gjeneral brigade Jeton Dreshaj.
Këto vizita treguan përkrahjen e vazhdueshme për zhvillimin profesional të kadetëve dhe vlerësuan nivelin e lartë të ushtrimit.
Ky vlerësim praktik ishte edhe njëherë dëshmi e punës së palodhshme, disiplinës dhe përkushtimit që kultivohet çdo ditë në Qendrën për Studime Universitare. “Po rrisim oficerë që janë gati me i dalë zot Atdheut!”, ka njoftuar FSK-ja.
