Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 5 mars, shkruan Kosova Post.
5 Marsi është dita e 65-të e këtij viti, deri në fund të tij janë edhe 301 ditë.
5 mars 1912 – Ushtria italiane ishte e para që përdori balonat me ajër (aerostat) për qëllime ushtarake. Italianët i dërguan këto mjete ajrore për të eksploruar dhe vrojtuar prapavijën e ushtrisë turke.
5 mars 1920 – U themelua Shoqëria e Gjysmëhënës së Gjelbër të Turqisë.
5 mars 1933 – Partia Nacionalsocialiste e Punëtorëve Gjermanë (Partia Naziste) fitoi 43,9 për qind të votave në zgjedhjet e përgjithshme të mbajtura në Gjermani dhe mori drejtimin e vendit.
5 mars 1933 – Ishin vitet më të rënda të Depresionit të Madh. Presidenti i Shteteve të Bashkuara të Amerikës, Franklin Ruzvelt, mbylli të gjitha bankat dhe ndaloi transaksionet financiare.
5 mars 1946 – Koncepti “Perdja e Hekurt”, e cila simbolizonte Bashkimin e Republikave Socialiste Sovjetike (BRSS) dhe vendet e Evropës Lindore, u përdor për herë të parë nga Kryeministri britanik, Uinston Çërçill, gjatë një fjalimi frymëzues në Kolegjin e Uestminsterit, në prani të Presidentit amerikan, Herri Truman. Faktikisht, ajo njihej si term në literaturën artistike dhe atë politike qysh nga shekulli XIX e deri në prag të Luftës II Botërore; gjithsesi, “Perdja e Hekurt” u shqiptua publikisht në kuptimin e saj më të plotë të fjalorit ndërkombëtar politik nga burrështetasi anglez.
5 mars 1953 – Vdiq sekretari i parë i Partisë Komuniste të Bashkimit Sovjetik dhe njëherësh lider i BRSS-së që nga viti 1929, Zhozef Stalin.
1046 – Naser Khosrow – poet persian, filozof, shkrimtar – fillon udhëtimin e tij 7-vjeçar në Lindjes së Mesme; dhe përshtypjet i përmblodhi në librin e tij Safarnama. Khosrow konsiderohet si një prej poetëve dhe shkrimtarëve më të mëdhenj në letërsinë persiane. Safarnama (Libri i Udhëtimeve) është vepra e tij më e njohur. Khosrow vizitoi dhjetra qytete për shtatë vjet dhe shkroi rreth tyre, duke përfshirë hollësi mbi shkolla, karvane, xhami, shkencëtarë, mbretër, publik, popuj, si dhe kujtimet e tij personale. Edhe pas kaq shumë vjetësh, libri Safarnama vazhdon të lexohet me ëndje nga persisht-folës.
1849 – Zachary Taylor, kryetari i 12-të i ShBA-së, bën betimin si kryetar
1896 – Antoine Henri Becquerel zbulon radioaktivitetin e uranit
1918 – Moska u bë kryeqyteti i Bashkimit Sovjetik.
2002 – Dr Ibrahim Rugova rizgjidhet President i Kosovës.
2008 – Sllovenia njohu Republikën e Kosovës.
2008 – Islanda njohu Republikën e Kosovës.
Lindje
1922 – Pier Paolo Pasolini, regjisor dhe poet italian
1974 – Eva Mendes, aktore amerikane
Vdekje
1534 – Correggio, piktor italian i rilindjes
1535 – Lorenzo Costa, piktor italian
1827 – Alessandro Volta, fizikant italian, themeluesi i shkencës së elektricitetit
1827 – Pierre-Simon Laplace, matematikan dhe astronom francez
1953 – Josef Stalin, udhëheqës i Bashkimit Sovjetik (l. 1878)
1982 – John Belushi, aktor me prejardhje shqiptare nga ShBA
Festa dhe përvjetore
Epopeja e Ushtrisë Çlirimtare të Kosovës