Deputeti në Parlamentin e Serbisë, Shaip Kamberi, theksoi se gjatë vizitës në Washington,ka takuar senatorë amerikanë të cilët siç ka thënë Kamberi i ka njoftuar me të gjitha problematikat me të cilat përballen shqiptarët e luginës së Preshevës.
Kamberi e ka quajtur këtë ngjarje historike, meqë për herë të parë në historinë e shqiptarëve të Luginës së Preshevës po mbahet Briefing e inicuar nga Komiteti për Politikë të Jashtme enkas për çështjen shqiptare.
“Sot në institucionet publike në komunat Preshevë, Bujanoc e Medvegjë, shqiptarët janë tërësisht të shpërfillur, dhe përqindja e komuniteteve në këto institucione janë në disbalanc me përqindjen e komuniteteve që jetojnë në këtë rajon.”, ka thënë ai.
Ai ka treguar edhe për kërkesat që ata kishin drejtuar senatorëve.
“Kërkuam nga seantorët që qështja e shqiptarëve të jetë në agjendën e politikës së jashtme të ShBA-ve dhe pjesë e dialogut mes Kosovës dhe Serbisë”, ka thënë mes tjerash Kamberi
