Sot do të kenë mbledhje disa komisione parlamentare të Kuvendit të Kosovës.
Komisioni për Shëndetësi dhe Mirëqenie Sociale do të mbajë takim me përfaqësueset e Shoqatave ,, Renesanca” dhe ,,Jeta/Vita’’.
Po ashtu do të formohet grupi punues për amendamentimin e Projektligjit për për shërbime sociale dhe familjare.
Komisioni për Arsim, Shkencë, Teknologji, Inovacion, Kulturё, Rini dhe Sport, shqyrton programin Kombëtar të Shkencës 2023/2028.
Kurse Komisioni për Shëndetësi dhe Mirëqenie Sociale, ban dëgjim Publik për Projektligjin nr.08/L-212 për shëndetin riprodhues dhe fertilizim të asistuar mjekësor, raporton RTKlive.
Komisioni për Mbikëqyrjen e Financave Publike, bën shqyrtimin e raportit të auditimit për pasqyrat financiare vjetore të Radio Televizionit të Kosovës, për vitin e përfunduar më 31 Dhjetor 2022. Të ftuar janë bordi i RTK-së dhe Drejtori i Pergjithshem i RTK-së.
Ndërkaq Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, bën shqyrtimin e propozim vendimit të Qeverisë me kandidatët për anëtarë të Komisionit për dhënien e Provimit të Jurisprudencës.
Po ashtu formohet grupi punues për Projektligjin për falimentimin dhe formimi i grupit punues për shqyrtimin e aplikacioneve për anëtarë të Këshillit Gjyqësor të Kosovës.
