Luiz Ejlli dhe Kiara Tito hynë në zemrat e shikuesve të ‘Big Brother VIP Albania 2’ si çifti simpatik që filloi dhe përfundoi gjithçka brenda spektaklit.
Që në javët e parë të fillimit të programit real televiziv këngëtari shkodran shprehu pëlqimin e tij për moderatoren, të cilën arriti ta bënte për vete brenda shtëpisë.
Dashuria e tyre filloi gjatë ‘BBVA 2’ dhe u kurorëzua me martesë në mbrëmjen finale dhe në ditët e para pas përfundimit të spektaklit, çifti është i pandashëm.
Luizi është shumë i kërkuar për të performuar në skena të ndryshme dhe menjëherë pas daljes nga shtëpia e famshme e ka nisur rrugëtimin e tij të radhës drejt suksesit.
Në disa video të publikuara në rrjetet sociale shfaqet këngëtari dhe bashkëshortja e tij, të përqafuar teksa interpretojnë këngën “Me ty”, të cilin Ejlli ia kishte kushtuar partneres së tij për ditën e të dashuruarve.
