Në kuadër të Shoqatës Sportive të Policisë së Kosovës (PK), klubi i karatesë së PK-së, të enjten ka marr pjesë në Kampionatin Mbarëkombëtar të Karatesë që u mbajte në Tiranë.
Në kampionatin e organizuar në Tiranë, pjesë të këtij eventi ishin klube nga trojet shqiptare, si Kosova, Shqipëria, Maqedonia e Veriut dhe Mali i Zi.
Klubi i PK-së është paraqitur në dy disiplina (KATA dhe KUMITE), gjithsejtë në katër kategori dhe ka arritur të sigurojë po aq medalje të cilat janë:
Senior Kata-vendi i dytë
Senior Kumite – vendi i tretë
U21 Kata – vendi i tretë
U21 Kumite – vendi i tretë
Edhe pse konkurrenca ishte shumë e fortë, me disiplinën dhe profesionalizmin e treguar janë siguruar medalje në secilën kategori, e kjo dëshmon punën dhe angazhimin e palodhshëm të garuesve të PK-së.
