Komuna e Likovës tradicionalisht feston festën kombëtare, 28 Nëntorin – Ditën e flamurit.
“Nën organizimin e Kryetarit të Komunës së Likovës Erkan Arifi, sikurse viteve tjera, në komunën tonë u festua Dita e Flamurit – 28 Nëntori, të cilën edhe më madhështore e bëri përurimi i Shtëpisë së Kulturës në f.Mateç, ku shiriti u pre nga: Invalidi i UÇK-së, Ali Xhemaili nga Vishtica, Kryetari i komunës së Likovës, Erkan Arifi dhe deputeti, Sadulla Duraku .
Këtë festë e zbukuruan poezitë e nxënësve të shkollave tona, vallet e: SHKA ” Jeta e re ” dhe ” Bajram Shabani ” , këngët e Korit komunal ” Zejadin Ismaili ” , Mesud Bajramit, Erjon Sahitit dhe Xhezair Elezit .
Festat e Nëntorit janë udhërrëfyesi dhe themeli i të gjithë patriotëve tonë, e posaçërisht dëshmorëve të rënë të cilët për këtë Flamur dhan më të shenjtën – jetën.
Falë tyre, ne sot gëzojm të gjitha këto të arritura, të cilat në vazhdimësi duhet që të avansohen edhe më shumë në të mirë të kombit tonë” është shkruar në postimin e faqes zyrtare të Komunës së Likovës në Facebook.
